AhabanzaImyidagaduro

Ama G agiye gusezerana n’umukobwa yasimbuje umugore we wahukanye

Hakizimana Amani wiyise AmaG The Black aherutse kwemera byeruye ko yabonye undi mukobwa bakomezanya urugendo rw’urukundo nyuma yo gutandukana n’umugore bari bamaranye imyaka ibiri babana.

Uyu muraperi uherutse gusohora indirimbo yitwa ‘Akarima k’Igikoni’ iri mu zo mu njyana ya Hip Hop zikunzwe cyane mu Rwanda ari mu myiteguro yo gusezerana n’umukunzi we mushya Uwase Liliane bakabana mu buryo bwemewe.

Ama G The Black yemereye umunyamakuru wa IGIHE ko yitegura gukora ubukwe gusa akumvikana nk’udashaka ko aya makuru ajya hanze aho yagize ati “Iyo umuntu abivuze mbere hari igihe bipfa, nzaguha amakuru neza.”

Nubwo uyu muhanzi atemera byeruye ko ari kwitegura gukorana ubukwe na Uwase Liliane, hari amakuru ahamya ko ubukwe bwabo buzataha bitarenze muri Gashyantare 2018 ndetse bamaze gukora imihango ya mbere mu miryango bavukamo.

Muri Nyakanga 2017 Ama G yari yatangarije IGIHE ko ‘akunda bidasanzwe Uwase Liliane ndetse bagomba kuzarushingana. Yagize ati “Uriya turakundana, turakundana ahubwo cyane, ndamukunda cyane […] Ni umukunzi wanjye, ubu ni we turi kumwe.”

Icyo gihe yavuze ko nubwo bataramenya gahunda ihamye y’ubukwe bwabo bagomba gusezerana bakereka imiryango ibirori. Yagize ati “Ntabwo nahita nkubwira ngo tuzarushinga uyu munsi ariko gahunda irahari, ntabwo ari vuba ariko si na kera, igihe nikigera tuzabatumira mubutahe.”

Uwase Liliane na G The Black bamaranye amezi agera kuri arindwi bari kumwe ndetse nyuma yo gutandukana kwe n’umugore byagiye bivugwa ko babana mu rugo rw’uyu muraperi i Kanombe.

Ama G yeretse inshuti ze Uwase ku mugoroba wa tariki ya 4 Nyakanga 2017, mu birori by’isabukuru y’imyaka 26 yari amaze avutse, yari yatumiye inshuti ze za hafi ndetse by’umwihariko yakase umutsima afatanyije n’uyu mukobwa.

Ama G yari amaze amezi atatu yeretse inshuti ze uyu mukunzi we mushya

Ama G yabwiye inshuti ze ko yahisemo ‘Uwase ngo bakomezanye urugendo rushya atangiye nyuma yo gutandukana na Rosine’. Yavuze ko icyatumye akunda uyu mukobwa ngo ni uko ‘yicisha bugufi kandi akubaha’.

Ama G n’umugore babanaga mbere bafitanye umwana w’umuhungu bise Shami[uyu asigaye abana na nyina]. Ibyo kubana kwabo mu nzu byatangiye kuvugwa muri Mutarama 2015, nyuma batangaje ko bagombaga gukora ubukwe none birangiye umugabo yishakiye undi bakomezanya.

Uwase Liliane mu birori by’isabukuru Ama G aherutse gukora

Ama G na Liliane bamaze iminsi bagaragaza ko baryohewe n’urukundo

Ama G na Uwase bagiye kurushinga

Ama G amaze igihe atandukanye na Rosine, ubu aritegura ubukwe na Uwase Liliane


5,194 total views, 0 views today

Related Articles

Leave a Reply

Your email address will not be published. Required fields are marked *

Close