AhabanzaUbuzima

Bimwe utari uzi ku gikorwa cyo kwisiramuza

Ni kenshi usanga ubuyobozi bw’igihugu bukangurira abantu kwisiramuza  gusa ugasanga hari abantu batumva neza iki gikorwa kubera kutagisobanukirwa neza.Uyu munsi urubuga imboni.rw rwifuje kubagezaho byinshi mutari muzi ku gikorwa cyo kwisiramuza harimo uburyo bikorwa n’ibyiza byo kwisiramuza.

Twifashijije urubuga rwa “life and fitness” maze tubategurira amakuru menshi ajyanye n’igikorwa cyo kwisiramuza.

Ni kenshi abantu usanga bibaza byinshi kugikorwa cyo kwisiramuza cyangwa gukebwa.uyu munsii tugiye kubavira imuzi byinshi kugikorwa cyo kwisiramuza.

Kwisiramuza ni iki?

Kwisiramuza cyangwa gukebwa ni igikorwa cyo gukura ho agahu kaba gakikije kakanatwikira umutwe w’igitsina cy’umugabo cyangwa umuhungu. Aka gahu kakaba kavukanwa uretse igihe umwana yaba yavukanye ibindi bibazo byo kubura bimwe mu bice by’umubiri.

Kwisiramuza ni igikorwa kandi kimaze igihe kirekire gikorwa mu bihugu bitandukanye ku isi. Nko mu gihugu cya Misiri amateka agaragaza ko babitangiye imyaka irenga 4000 mbere y’ivuka rya yesu, ukaba kandi umuco wihariye mu idini ya Islam ndetse no muri Judaism. Bitewe nakamaro kiki gikorwa ndetse, guhinduka kw’imico n’imyumvire harimo no kwamamara kw’idini ya islam byatumye iki gikorwa gikwirakwira mu bihugu byinshi ubu akaba ari kimwe abaganga bakora ibijyanye no kubaga bakora inshuro nyinshi mu kazi kabo ka buri munsi.

Umuntu asiramurwa ryari?

Mubyukuri gusiramurwa birashoboka ku myaka iyo ari yo yose kuko umwana akivuka ashobora gusiramurwa mu gihe cy’amasaho 72 ni ukuvuga iminsi ibiri mu gihe byifujwe n’ababyeyi be. Umuntu kandi ashobora gusiramurwa ari mukuru mu gihe atari abizi akaza kumenya ko ari byiza, igihe idini arimo ribimusaba cyangwa igihe yabisabwe na muganga urugero yakomerekeye mumibonanompuzabitsina.

Ese kwisiramuza bimarira iki uwabikoze?

Nkuko ubushakashatsi bwabigaragaje kwisiramuza bifite akamaro kenshi mubuzima bwacu bwa buri munsi.Kwisiramuza:

-Byongera isuku y’igitsina cy’umugabo: kariya gahu gakikije igitsina niko kabika imyanda myishi yaba iva mu mubiri cyanga iva hanze kakaba gashobora kuba indiri ya za mikorobe zishobora kugirira nabi umubiri kandi iyo myanda kuyivana mo biragorana. Iyo aka gahu gakuwe ho umutwe w’igitsina uguma hanze, ntiwongere guhura n’umwanda.

-Bigabanya ibyago byo kwandura cyangwa kwanduza indwara zandurira mumibonano mpuza bitsina: nkuko bigaragazwa n’ishami ry’umuryango w’abibumbye rishinzwe ubuzima OMS, abantu basiramuye baba fafite amahirwe 60% yo kutandura agakoko gatera SIDA ugereranyije n’abandi badasiramuye. Kuko kugira ngo wandure bisaba ko haba ugukomeretsanya hagati y’igitsina cy’umugabo n’igitsina cy’umugore. Iyo kariya gahu kagihari rero umutwe w’igitsina cy’umugabo uba woroshye cyane kandi na kariya gahu koroshye kuba kakomereka.

-Bigabanya ibyago byo kwandura kanseri y’igitsina cy’umugabo ndetse n’umura ku gitsina gore.

-Bigabanya ibyago byo kurwara indwara zifata urwungano rw’inkari

Ntiwakwibagirwa ko binatuma imibonano mpuzabitsina igenda neza kuko kariya gahu kaba imbogamizi mugihe cy’imibonano mpuza bitsina.

Ese gusiramura bikorwa bite?

Gusiramurwa bikorwa n’abantu babifitiye ubunararibonye hari mo abaganga bakora ibyo kubaga(surgeons) cyangwa abandi baganga babiherewe amahugurwa yihariye. Bikaba bikora hifashishijwe uburyo mubiri ari bwo:

Uburyo bwo kubaga: ubu nibwo buryo bumaze igihe kirekire bukoreshwa mubitaro, aho umuganga akeba agahu gatwikiriye igitsina cy’umugabo cyangwa umuhungu yabanjye gutera umurwayi ikinya kugira ngo atababara, mugusiramura habaho kuva kw’amaraso ariko atari menshi cyane ,nyuma yo gukuraho ako gahu bakomeza badoda bagasubiranya aho bamaze kubaga, hagakurikira ho gushyira kugikomere imiti ibuza microbe kuba zakwinjira mugikomere ubundi bagapfuka igikomere bakoresheje udutambaro twabugenewe. Umurwayi kandi bamuha imiti agomba gufata mugihe gito kugira ngo imugabanyirize uburibwe ndetse n’indi miti ituma hatabyimba.

Umurwayi akomeza gukurikiranirwa hafi akajya ajya guhinduza bya bipfuko kandi akanongera isuku. Kuko isuku iramutse ibaye nkeya uwasiramuwe afite ibyago byo kwandura zimwe mundwara zirimo tetanus. Nyuma y’iminsi 10 igikomere kiba gikize.

Uburyo bw’impeta (prepex): ubu buryo bwakabiri bwaje bwunganira ubwa mbere bukaba ari bwo buri gukoreshwa cyane muri iyi minsi kuko bwo buroroshye gukoreshwa kandi burahendutse. Hifashishwa udupira tubiri twa plastike dufite ishusho y’impeta. Tukambikwa umutwe w’igitsina kuburyo dukanda ka gahu tugahagarika amaraso aba atembera mo. Ibi bituma kagahu kuma . Nyuma y’iminsi irindwi umurwayi ajya kwamuganga ka gahu bakagakata na za mpeta bakazikura mo. Bakahapfuka ndetse agahabwa imiti ituma atabyimbirwa nyuma y’imimsi mike igikomere kikaba kirakize.

Ibyiza byo gusiramura hakoreshejwe uburyo bw’impeta “prepex”

  • Ntibusaba ibikoresho bihambaye
  • Ntibusaba gukoresha ikinya. dore ko kinahenda
  • Ntibusaba ubumenyi buhambaye
  • Gukira birihuta
  • Abaganga ntibatakaza umwanya munini
  • Ntibisaba kubaga cyangwa kudoda
  • Bituma serivisi itangwa ku mubare mwinshi w’abarwayi

Umuntu wisiramuje yakora imibonano mpuzabitsina hashize igihe kingana iki?

Umuntu wisiramuje ntiyemerwe gukora imibonano mpuzabitsina mbere y’iminsi 42 ni ukuvuga ibyumweru bitandatu nyuma yo kwisiramuza. Iki gihe umubiri ntuba wagasubiranye neza ku buryo hakozwe imibonano mpuza bitsina haba hari ibyago byo kwandura vuba indwara nyishi zirimo agakoko gatera SIDA.

Ese koko kwisiramuza bigabanya ibyago byo kwandura SIDA?

YEGO.Kwisiramuza rwose bigabanya ibyago byo kuba wakandura SIDA mu gihe wakoze imibonano idakingiye.Ubushakashatsi bwakorewe kubantu bakoze imibonano idakingiye basiramuye ndetse nabadasiramuye bwagaragajeko kwisiramuza bigaba ibyago byo kuba wakandura SIDA kugero kingana na 60%.

Nubwo bigabanya ibyago ariko turabibutsako atari ijana ku ijana ahubwo bishatse kuvugako umuntu aramutse akoze imibonanompuzabitsina n’umuntu wanduye aba afite mahirwe angana na 60% yo kuba atakwandura

Ni izihe mpamvu zituma abantu bamwe banga kwisiramuza?

Nubwo kwisiramuza bifite akamaro ku mubiri ndetse no mu buzima bw’umuryango, usanga abantu bamwe na bamwe batabyumva kimwe bitewe n’impamvu zirimo: imyumvire, imico y’imiryango, n’imyemerere y’amadini ndetse n’aho bakuriye. Hari n’abandi banga kwisiramuza bitewe no gutinya ingorane za hato na hato twavuga nko kuba umuntu ashobora kuva amaraso menshi, ububabare, kuba umuntu yahandurira izindi ndwara, kuba ka gahu gashobora kudakatwa neza, ndetse no kuba bagirwa ho ingaruka n’ikinya. Gusa hakoreshwa uburyo bwinshi kandi n’abakozi baba babifitiye ubumenyi buhagije.

Mu gusoza twababwira ko mu by’ukuri kwisiramuza bikurinda ibyago byinshi birimo n’agakoko gatera sida nubwo atari 100%. Niba rero uri umugabo cyangwa umuhungu ukaba nta yindi miziririzo ufite ibikubuza, gera ku ivuriro rikwegereye bagufashe, kuko ubu iyo serivisi itangirwa ubuntu hano mu Rwanda. Abagore nabo bakwiriye gukangurira abagabo babo batarisiramuza kubikora kuko gukorana imibonano mpuzabitsina n’umugabo udasiramuye bibakururira ibyago byinshi dore ko ngo bishobora gutuma hanabaho gucana inyuma ku bashakanye.

Athanase Munyarugendo@imboni.rw

 

 

4,793 total views, 0 views today

Related Articles

1 thought on “Bimwe utari uzi ku gikorwa cyo kwisiramuza”

  1. Ibi muvuga nibyo ariko numva hakongerwaho amahugurwa menshi ajyanye nisuku kuko nubundi ntawe ujya muri douche ngo yo ayisig. Nayo barayijyana kugirango abafite impungenge nubwoba cyane ko hasigaye hagaragara risk nyinshi zituruka kugusiramurwa nge nabonye so mwigishe abantu kugira isuku nkuko mwigishs abagore

Leave a Reply

Your email address will not be published. Required fields are marked *

Close