AhabanzaImyidagaduro

Abakobwa batanu ba mbere batowe cyane muri Miss Rwanda

Irushanwa risigaje iminsi iminsi ibiri rigasozwa, igihe gisigaye ni cyo gikomeye cyane ku bakobwa bategereje kuzabona Nyampinga wahize abandi mu Rwanda mu 2018.

Miss Rwanda uyu mwaka ihataniwe n’abakobwa 20, ubu bari kurushanwa biciye mu itora rikorerwa kuri telefone. Aya majwi atorwa n’abaturage azateranywa n’ayavuye mu mikoro bahabwa mu mwiherero ndetse n’azatangwa n’akanama nkemurampaka bityo hemezwe uwahize abandi.

Mu ibarura ry’amajwi y’agateganyo ryakozwe ku mugoroba wo kuri uyu wa Kabiri tariki ya 20 Gashyantare 2018, umukobwa witwa Uwase Ndahiro Liliane yeretse igihandure abakobwa 19 ahanganye nabo. Ubu Uwase Ndahiro yatowe inshuro 23,902 ararusha umukurukiye amajwi ibuhumbi umunani n’imisago.

Uyu mukobwa Uwase Ndahiro Liliane nasoza irushanwa akiri imbere mu gutorwa cyane bizahita bimuhesha amahirwe yo kwinjira mu bakobwa 10 ba mbere bazatoranywamo Nyampinga w’u Rwanda nta kindi babanje kurebaho.

Kuva Miss Rwanda 2018 yatangira Uwase Ndahiro Liliane ni we watowe mu buryo bukomeye kurusha abandi, amajwi yo kuri telefone niyo yamwinjije mu bakobwa 20 bemerewe kujya gukora umwiherero i Nyamata; bagezeyo yakomeje kubigaranzura mu gutorwa cyane.

Abakobwa batowe cyane kuva irushanwa ryatangira, ahanini mu myanya y’imbere usangamo Uwase Ndahiro Liliane, Irebe Natacha Ursule, Umunyana Shanitah na Uwonkunda Belinda.

Mu bakobwa batanu batowe cyane muri iyi minsi itandatu ishize bakurikiranye uhereye kuri Uwase Ndahiro Liliane, Irebe Natacha Ursule, Umunyana Shanitah, Uwonkunda Belinda hakiyongeraho Mushambokazi Jordan watorwaga cyane mu minsi ya mbere y’irushanwa.

Mu minsi itandatu ishize aba bakobwa uko ari bane nibo bari imbere gusa bagenda basimburanwa imyanya ya Gatatu n’uwa Kane; mu basigaye iyo hagize uzamuka muri batanu ba mbere ntashobora kuhamara iminsi ibiri ubundi akongera agasubira inyuma.

Ku mwanya wa nyuma mu matora hari umukobwa witwa Dushimimana Lydia afite amajwi 1,079 akurikira uwitwa Ishimwe Noriella uri ku mwanya wa 19.

Irushanwa rya Nyampinga w’u Rwanda ryatewe inkunga na Banki y’Ubucuruzi ya Cogebanque, iry’uyu mwaka rizasozwa kuri uyu wa Gatandatu tariki ya 24 Gashyantare 2018, ibirori bizabera muri Kigali Convention Centre.

Abakobwa batanu ba mbere batowe cyane muri iyi minsi itandatu ishize:

1.Uwase Ndahiro Liliane

2.Irebe Natacha Ursule

3.Umunyana Shanitah

4.Uwonkunda Belinda

5.Mushambokazi Jordan


K

Related Articles

1 thought on “Abakobwa batanu ba mbere batowe cyane muri Miss Rwanda”

Leave a Reply

Your email address will not be published. Required fields are marked *

Close