AhabanzaAmakuruPolice

Ruhango : Abanyeshuli biyemeje guhagurukira kurwanya ibiyobyabwenge n’ibindi byaha

Abanyeshuli bagera ku 1 na 350 bo mu rw’urwunge rw’amashuri rwa Cyimana mu  karere ka ruhango,  umurenge wa Ntongwe Polisi y’u Rwanda ikorera muri ako karere mu mpera z’iki cyumweru dusoza yarabasuye ibasobanurira  ubibi bw’ibiyobyabwenge, n’ingaruka zabyo. Abanyeshuri bafashe umwanzuro wo guhaguruka bagafatanya n’inzego z’umutekano ndetse n’izindi nzego bakarwanya ibiyobyabwenge n’ibindi byaha bibikomokaho.

Ibi biganiro byari byitabiriwe  n’umupolisi  ushinzwe guhuza ibikorwa bya bya Polisi  n’abaturage hagamijwe kurwanya no gukumira ibyaha mu karere ka Ruhango (DCLO) Chief Inspector of Police Angelique Abijuru ari kumwe  n’ubuyobozi bw’ishuri.

Mukiganiro yatanze, CIP Abijuru  yasabye aba banyeshuri kwirinda ababashuka bakabashora mu ngeso mbi zirimo gukoresha ibiyobyabwenge byo ntandaro yo gukora ibyaha bitandukanye.

Yagize ati:” Hari abantu babi bakunda gusuhuka abanyeshuri ko kunywa ibisindisha n’ibindi biyobyabwenge bibafasha kwiga neza.Barabashuka, ibiyobyabwenge nta kindi byagkugezaho uretse kuyoba ubwenge nyine ugakora ibyaha.”

Yabasobanuriye ko umuntu wagiye mu biyobyabwenge bishora bindi  byaha nko gufata abana n’abagore ku ngufu, gukubita no gukomeretsa,amakimbirane mu miryango,….

CIP Abijuru yakomeje asaba abana b’abakobwa kwirinda abagabo n’abasore babashukisha utuntu bagasambana, bikabaviramo gutwara inda imburagihe.

Yagize ati:”Muri abajyambere kandi imbere ni heza, mwirinde ibyo babashukisha namwe mu minsi iri imbere ni murangiza kwiga muzaba mushobora kubyigurira.Ariko nibabashuka bakabatera inda kwiga kwanyu kuzagorana ndetse iyo mwamaze kubyara hari n’abadashobora gukomeza  amashuri.”

Yabasabye kujya bihutira gutanga amakuru ku nzego z’ubuyobozi cyangwa Polisi mu gihe cyose babonye umuntu ushaka kubashora mu byaha nko kunywa ibiyobyabwenge ndetse n’ubusambanyi.

Umuyobozi w’urwunge rw’amashuri rwa Cyimana, Mbonankira Joel yashimiye Polisi y’u Rwanda ku biganiro byiza yageneye abanyeshuri,asezeranya kov nk’ubuyobozi bw’ikigo bagiye kongera imbaraga mu gufasha abanyeshuri gushinga Clubs zirwanya ibyaha bazajya bahuriramo.

Abanyeshuli bishimiye ibiganiro bahawe biyemeza ko bagiye gufata iya mbere mu kurwanya no gukumira ibyaha cyane cyane ababashora mu ngeso mbi zo gukoresha ibiyobyabwenge.

Related Articles

Leave a Reply

Your email address will not be published. Required fields are marked *

Close