AhabanzaAmakuru

Abakobwa 2 b’impanga biteguraga kurushinga bashimuswe

Umuyobozi wo mu nzego z’ibanze muri Nigeria yavuze ko abakobwa b’impanga bo muri iki gihugu bari bari hafi gushyingirwa bashimuswe mu mpera y’icyumweru gishize muri leta ya Zamfara iri mu majyaruguru ashyira uburengerazuba bwa Nigeria.

Abubakar Muhammad, umuyobozi wungirije wo mu karere ka Zurmi, yavuze ko aba bakobwa b’impanga ari bo Hassana na Hussaina Bala Dauran, bari mu bantu barindwi bashimutiwe mu mujyi wa Dauran.

Yagize ati: “Abantu barindwi, bane b’igitsina-gabo na batatu b’igitsina-gore bashimuswe hagati yo ku wa gatandatu no ku cyumweru mu cyumweru gishize”.

“Abandi bantu babiri  umugabo umwe n’umugore umwe nabo bashimutiwe mu cyaro cya Birnin Tsaba, mu gihe abandi batatu nabo bashimutiwe mu mujyi wa Moriki, barimo n’umujyanama mu nzego z’ibanze.”

Ubwo bombi bashimutwaga, aba bakobwa b’impanga b’imyaka 18 y’amavuko, bari bagiye gusura mubyara wabo ngo bamwereke amakanzu bateganyaga kwambara bombi mu bukwe bwabo bwari kubera icyarimwe, bwari buteganyijwe mu kwezi kwa cumi na kabiri uyu mwaka.

Bwana Muhammad yavuze ko ababashimuse bahamagaye ababyeyi b’aba bakobwa b’impanga babasaba ingurane kugira ngo babone kubarekura nk’uko bbc dukesha iyi nkuru ibivuga.

Leta ya Zamfara, imwe mu zigize Nigeria imaze igihe yibasirwa n’ibibazo by’umutekano muke.

Muri uyu mwaka, abantu bagera hafi kuri 400 bamaze kwicwa muri iyi leta, mu gihe hakomeje kwiyongera ibikorwa by’ubujura, ubwicanyi no gushimuta hagambiriwe kwaka ingurane ngo uwashimuswe abone kurekurwa.

@imboni.rw

Related Articles

Leave a Reply

Your email address will not be published. Required fields are marked *

Close