AhabanzaAmakuru

Muhanga: Umupolisi w’umu Ofisiye yishwe n’impanuka habura igihe gito ngo akore ubukwe

AIP Ndayisaba Alexis wari umupolisi aho yakoreraga mu karere ka Muhanga mu Majyepfo y’u Rwanda, yishwe n’impanuka mu masaha ya nimugoroba kuri uyu wa Kabiri tariki 9 Nyakanga 2019, akaba yapfuye mu gihe haburaga iminsi micye ngo akore ubukwe dore ko we n’umukunzi we bari baramaze no gutumira inshuti n’abavandimwe ngo bazafatanye gusangira ibyishimo.

SSP Ndushabandi JMV, umuvugizi w’Ishami rya Polisi y’u Rwanda rishinzwe umutekano wo mu muhanda, yabwiye ikinyamakuru Ukwezi ko AIP Ndayisaba Alex yari kuri moto mu masaha ya saa kumi z’umugoroba ubwo yavaga ku kazi atashye, moto yari atwaye igongana n’imodoka ya Horizon, uwo mupolisi arakomereka ajyanwa kwa muganga ariko biranga arapfa.

SSP Ndushabandi avuga ko ibinyabiziga byombi byari bifite ubwishingizi, hakaba hatangiye gukorwa ibiteganywa n’amategeko kugirango n’abazahabwa indishyi bazazibone.

 

 

Amakuru yizewe agera ku kinyamakuru Ukwezi, avuga ko AIP Ndayisaba Alex yari mu myiteguro yo gukora ubukwe n’umukunzi we Confiance, ndetse bari baramaze kumenyesha inshuti n’abavandimwe ko bazarushinga tariki ya mbere Nzeri uyu mwaka, bivuga ko haburaga ukwezi n’iminsi ngo ubukwe bwabo bube.

 

Related Articles

Leave a Reply

Your email address will not be published. Required fields are marked *

Close