Rayon Sports WFC yisanze mu Itsinda B hamwe na CBE FC yo muri Ethiopia na Top Girls Academy FC yo mu Burundi, mu mikino ya CECAFA yo gushaka itike ya CAF Women’s Champions League.
Mu kwezi gutaha hagati ya tariki ya 4 kugeza ku ya 16 Nzeri 2025, muri Kenya hazabera imikino ihuza amakipe yitwaye neza muri Afurika y’Iburasirazuba n’iyo Hagati (CECAFA).
Amakipe icyenda arimo na Rayon Sports WFC ihagarariye u Rwanda, ni yo azitabira iri rushanwa ritanga itike yo kujya mu matsinda ya CAF Women’s Champions League, akaba agabanyije mu matsinda atatu.
Nyuma y’uko hasohotse uko tombora ihagaze ku makipe azitabira, Rayon Sports WFC yisanze mu Itsinda B, izahanganiramo na CBE FC yo muri Ethiopia na Top Girls Academy FC yo mu Burundi.
Amakipe ari mu Itsinda A ni Kenya Police Bullets yo muri Kenya, Denden FC yo muri Eritrea na Kampala Queens yo muri Uganda. Itsinda C ririmo JKT Queens yo muri Tanzania, Yei Joint Stars yo muri Sudani y’Epfo na JKU Princess yo muri Zanzibar.
CBE FC ni yo yegukanye Igikombe cya CECAFA giheruka, mu gihe irikumwe na Rayon Sports WFC yari yatashye nta nota na rimwe. Ikipe izacyegukana muri uyu mwaka ni yo izahita ikina imikino ya nyuma ya CAF Women’s Champions League.
